Eftir daginn í dag er ég búinn að hjóla alls 990 km í vinnuna á þessu ári. Eða samtals 18 vikur. 1000 km múrinn ætti að falla í vikunni nema fari að frysta, sem lítur ekki út fyrir. Búinn að standa mig mun betur heldur en í fyrra. Þá náði ég 12 heilum vikum.
Tók svo hjólið í allsherjar klössun um helgina, smurði það allt og bætti vindi í dekkin. Munar ótrúlega miklu. Þetta er eins og nýtt hjól á eftir. Líka furðulega mikill munur á ferðinni sem ég náði í dag úr og í vinnu. Munar sennilega 2-3 mínútum á ekki lengri leið.
Það hefur greinilega verið farinn að minnka þrýstingur í dekkjunum án þess að ég tæki eftir því. Ég skildi líka ekkert orðið í því hvað ég komst lítið áfram þó ég puðaði og puðaði. Hélt bara að þetta væri aldurinn.
hahah, gamli kallinn minn
Ummæli af hildigunnur — 2007-11-13 @ 22:42 |
Ummæli af Jón Lárus — 2007-11-13 @ 22:53 |
Þú berð aldurinn vel, ég meina þú ert mjög sprækur í boltanum og svona. En það dugði þér og þínu liði ekki til sigurs þarna síðast reyndar. Þrátt fyrir að vera komin 8 mörkum yfir og allt það.
Ummæli af Jón Heiðar — 2007-11-14 @ 18:18 |
Grrr. Það var náttúrlega alveg fáránlegt að missa þetta svona niður. Gerist ekki aftur.
Ummæli af Jón Lárus — 2007-11-14 @ 20:13 |