Mættum á Laugarnesveginum í morgun einum risapallbíl. Með einkanúmerinu: BRUÐL. Greinilegt að þessi var með smá húmor fyrir sjálfum sér.

Enn einu sinni er búið að taka einhver af eftirtöldum fyrirtækjum: SKÝRR, Kögun, Eskil, Landsteina-Streng og Teymi, setja í poka. Hrista svolítið. Hella úr pokanum og sjá hvað kemur út. Liggur við að eina fyrirtækið í bransanum, sem fái ekki að vera með sé Tölvuþjónusta Akraness (ok, ok HugurAx og TM software ekki heldur). Svona í lok kapalsins þá er Þórólfur Árnason alltaf látinn fjúka.

Nú er ég búinn að vera þrjár vikur að vesenast í þvottahúsinu. Verkefnið ca. hálfnað og það er smátt og smátt að komast mynd á þetta. Hérna eru nokkrar myndir eins og staðan er í dag:

Orðið þokkalega snyrtilegt hjá þvottavélunum, enda lögð ofuráhersla á að klára það svæði fyrst.

Skorsteinshornið ekki komið alveg eins langt.

Ekki mikið búið að gerast hjá rafmagnstöflunni og hitaveitugrindinni.

Gluggaveggurinn ennþá fangelsisgrár.

Þarf svo að grafa upp myndirnar, sem voru teknar áður en ég byrjaði (svolítið langt síðan þær voru teknar). Hendi þeim inn þegar þetta verður búið.

er komin með nýjan uppáhaldsstað. Hana er oftast nú að finna í litlum stól, sem Finnur á.

Hún kann svo alveg þetta með að láta fara vel um sig…

Þetta orð varð til hjá okkur Hildigunni fyrir einu eða tveimur árum síðan. Þetta valt upp úr mér óvart og Hildigunnur var með skýringu á reiðum höndum: Lítil virkni á bloggi.

Lítil virkni á blogginu undanfarið á sér sínar skýringar. Ég er ekkert hættur að blogga. Hef bara verið mjög önnum kafinn í smíðaverkefni í húsinu síðustu tvær vikur og hefur fátt annað komist að. Það kemur örugglega montfærsla þegar verkefninu er lokið. Að þessu sinni mundi ég meira að segja eftir því að taka fyrir myndir. Svo er bara spurning um hvort þær finnist.

eru orðnar alveg fáránlega dýrar. Ég er búinn að vera að lagfæra aðeins þvottahúsið okkar og þurfti að kaupa nokkrar gifsplötur. Gerði ráð fyrir að þær myndu kosta svona 1500 kall stykkið í allra hæsta lagi 2000 kall. Nei, þá kostar hver plata 3000 krónur! Alveg út í hött. Hráefnið í þetta kostar nánast ekki neitt. Gifs verður m.a. til sem úrgangsefni við keyrslu kolaorkuvera.

niðursokkinn í síðustu Stieg Larsson bókina. Fékk hana til baka úr láni í fyrradag. Byrjaði strax á henni og límdist undir eins við hana.

Mér fannst ég vera þannig myglaður áðan, áður en ég skellti mér í sturtu…

á heimilinu þessa dagana. Finnur var veikur fyrir helgi og svo tókum við Hildigunnur við á sunnudaginn. Erum svona aðeins að skríða saman núna. Á meðan þá er algjört lúxuslíf á Fífu. Fær bílinn í skólann og á æfingar. Er viss um að á morgun kemur: Eruð þið ekki ennþá slöpp og er nokkuð jarðarför hjá þér mamma?

með James Bond komplex. Það þurfti samt að stafa það ofan í eftir að hafa mætt á barinn á Samskipaárshátíðinni áðan í smóking og beðið um dry martini, kokteilinn…