Strč prst skrz krk

Arg hvað

Jón Lárus — Fri, 20 Jan 2012 23:12:05 +0000

það fer í taugarnar á mér þegar erlendum félagsliðum eru gefin ensk nöfn í fréttaflutningi á íslensku. Núna rétt áðan á Vísi í frétt sem má lesa hér:.

Algjör óþarfi að nota oe þar sem við eigum ö eins og Þjóðverjarnir.

Hjólauppgjör 2011

Jón Lárus — Thu, 05 Jan 2012 23:10:52 +0000

Endaði árið á að hafa hjólað samtals 41,8 vikur úr og í vinnu. Hef aldrei náð því að hjóla svo mikið áður. Alls voru þetta 2299 km. Ekki verra að enda þetta á flottri tölu líka.

Frá því að ég byrjaði aftur að hjóla árið 2006 hefur verið stöðugur stígandi í þessu brölti mínu. Hjólaði 12 vikur það ár (byrjaði reyndar ekki fyrr en í maí það ár). 2007 náði ég svo 21,2 vikum. Tók svo 29 vikur 2008 og náði 36 vikum 2009. Bætti svo enn við og hjólaði 38 vikur árið 2010.

Þrjú síðustu árin hef ég hjólað allan veturinn en fram að því gerði ég hlé að vetrarlagi. Er ekki viss um að ég nái að bæta þennan árangur. Það verður að minnsta kosti mjög erfitt.

Bloggskýrsla ársins 2011

Jón Lárus — Mon, 02 Jan 2012 10:21:17 +0000

The WordPress.com stats helper monkeys prepared a 2011 annual report for this blog.

Here’s an excerpt:

A New York City subway train holds 1,200 people. This blog was viewed about 4,100 times in 2011. If it were a NYC subway train, it would take about 3 trips to carry that many people.

Click here to see the complete report.

Topp X listinn MMXI

Jón Lárus — Sat, 31 Dec 2011 00:28:32 +0000

Þá er komið að listanum yfir 10 bestu vínin smökkuð þetta árið:

Giuseppe Quintarelli, Valpolicella Classico Superiore, Veneto Ítalía, 1999, 94
Lucien le Moine, Pernand-Vergelesses 1er Cru Sous Frétille, Bourgogne Frakkland, 2004, 94
Pio Cesare, Barolo Ornato, Piemonte Ítalía, 2004, 93
Tommasi, Amarone della Valpolicella Classico, Veneto Ítalía, 1998, 93
La Spinetta (Rivetti), Barolo Vürsù Vigneto Campè, Piemonte Ítalía, 2000, 93
Bodegas Alejandro Fernández, El Vinculo Paraje Le Golosa Gran Reserva, La Mancha Spánn, 2003, 93
Peter Lehmann, Mentor, Ástralía, 1999, 92
Château Montrose, St. Estèphe, Frakkland, 1999, 92
Château Guiraud, Sauternes, Frakkland, 2003, 92
Condado de Haza, Reserva Seleccion Roble Frances, Ribera del Duero, Spánn, 2000, 92

4 ítölsk vín, 3 frönsk, 2 spænsk og 1 ástralskt.

Þeim fer greinilega fækkandi vínunum sem ég gef 92+ stig. 2009 voru þau 12, í fyrra 11 og nú í ár 10. Annaðhvort er ég að verða kröfuharðari eða þá að ég smakka sífellt verri vín!

Klesstur bíll og nýr bíll

Jón Lárus — Thu, 29 Dec 2011 23:26:02 +0000

Svona leit bíllinn út eftir að angry birds gaurinn klessti á Hallveigu um daginn.

Ekki falleg sjón.

Við komumst síðan í tæri við annan af sömu tegund. Meira um það hjá Hildigunni . Ekki eins flottur á litinn og sá gamli en á móti kemur að mörg smáatriði, sem voru í ólagi í gamla bílnum virka í nýja bílnum.

2000

Jón Lárus — Sat, 19 Nov 2011 14:04:19 +0000

km á hjólinu úr og í vinnu það sem af er árinu. Þetta gerðist síðasta þriðjudag (14. nóvember). Ég hef aldrei áður náð þessum áfanga fyrr en í desember. Núna lítur út fyrir að ég nái 40 vikum á hjóli úr og í vinnu, sem hefur aldrei gerst áður hjá mér.

Le kagg

Jón Lárus — Mon, 11 Jul 2011 22:57:02 +0000

Núna loksins get ég skellt inn myndum af kagganum. Við Freyja skutumst út á Gróttu í smá mánudagsbíltúr og tókum nokkrar myndir af bílnum.

Sellógaurinn

Jón Lárus — Thu, 07 Jul 2011 23:18:59 +0000

Þegar við fórum að spá í að kaupa nýjan bíl þá var það eitt af grundvallaratriðum að hægt væri að koma sellói fyrir í skottinu á honum. Þegar ég fór svo að skoða mözduna (sem við keyptum svo) þá kippti ég sellóinu hennar Freyju með. Sagði svo við bílasalann og fyrrverandi eiganda að bíllinn yrði að standast eitt skilyrði til þess að hann kæmi til greina. Ef sellóið kæmist ekki í skottið væri sjálfhætt. Sellóið komst svo með léttum leik í skottið. Mun rúmbetra heldur en á gamla bílnum. Tók svo smá rúnt á bílnum og leist ansi vel á hann. Þegar ég hringdi svo í bílasalann daginn eftir og sagðist hafa áhuga á að kaupa bílinn þá svaraði hann: Já þú ert sellógaurinn, man vel eftir þér! Greinilega ekki á hverjum degi sem svona mælingar fara fram á bílasölum…

Nýr bíll!

Jón Lárus — Tue, 05 Jul 2011 23:38:07 +0000

Eða að minnsta kosti nýr gamall bíll. Hildigunnur var ekki fyrr farin í Skálholt að ég fór að kíkja á bílasölur. Rakst fljótlega á þessa líka ljómandi flottu Mözdu 6, bláa að lit. Við vorum reyndar búin að sjá hann á netinu áður en hún fór austur. Samningaviðræður við fyrri eiganda tóku stuttan tíma og nú erum við stoltir eigendur að ekki nema 5 ára gömlum bíl.

Skógarsóleyjar

Jón Lárus — Fri, 17 Jun 2011 22:10:56 +0000

í garðinum okkar, mynd tekin í kvöld.

Uppáhaldsblómið mitt í garðinum. Venjulega eru þær búnar um þetta leyti en kuldinn í vor virðist hafa seinkað þeim.