Strč prst skrz krk

2007-02-23

Lengsta

Filed under: Nördismi — Jón Lárus @ 00:41

bloggpása ársins framundan. Var að átta mig á því að næsti bloggdagur er ekki fyrr en eftir 6 daga. Næsta lífsmark verður því ekki fyrr en 2. mars í fyrsta lagi. L8rs ppl.

Auglýsingar

Búinn

Filed under: Leikir — Jón Lárus @ 00:31

að komast að því líka að Skrabbl er leiðinlegur leikur. Hildigunnur var að enda við að bursta mig. Grrr. Ég sem þoli ekki að tapa…

2007-02-18

Maraþonmatreiðsla

Filed under: Matur — Jón Lárus @ 22:10

Eldaði og bakaði þvílík ósköp í dag. Hildigunnur var í upptökum og ég þurfti því að sjá um matseldina. Vorum með í kvöldmat ítalskan rétt, sem er alveg hrikalega góður. Uppskriftin er hér. Þetta er alls ekki flókinn réttur en það þarf að byrja tímanlega á honum því hann þarf að malla í 2 tíma og svo er smá undirbúningur sem þarf að fara fram áður (kannski svona þrjú korter eða svo). Hann er hins vegar alveg pottþétt fyrirhafnarinnar virði.

Gítarpastanu var svo skolað niður með:

Þar að auki varð ekki komist hjá að baka einn skammt af vatnsdeigsbollum. Ekki séns að krakkarnir slepptu manni við það. Síðan gerði ég jógúrt (reyndar ekki mikið mál).

Á tímabili var ég með bollur í ofninum, jógúrt að kólna og að undirbúa gítarpastað. Svona til að kóróna þetta allt saman skellti ég svo í eina berjaböku.

Það kemur þessu ekkert við að það var konudagurinn í dag.

2007-02-13

14-2

Filed under: Íþróttir — Jón Lárus @ 22:48

Fótbolti er leiðinleg íþrótt.

Komst að því í kvöld þegar liðið mitt lenti 14-2 undir. Endatölurnar 24-17. Grrr…

Ekkert tapsár. Neiii.

2007-02-11

Fávitar

Filed under: Undrun — Jón Lárus @ 22:32

Við hjónin sáum eitt fáránlegt atvik á leiðinni heim af tónleikum áðan.

Við biðum á ljósunum á Hringbraut, Framnesvegi og Álagranda. Sáum þá að það var bíll með blá blikkandi ljós (kom svo í ljós að þetta var lögreglubíll) að koma á móti okkur. Þegar hann var alveg að koma að ljósunum kemur einn bíll af Álagranda og beygir inn á Hringbraut til vesturs þvert í veg fyrir lögreglubílinn þannig að hann þurfti að negla niður. Ekki nóg með það þá voru 2 gangandi vegfarendur, sem biðu eftir því að komast yfir Hringbrautina, sem héldu þá að lögreglan væri að hleypa þeim eða ég veit ekki hvað og óðu yfir þvert fyrir bíl í forgangsakstri.

Er það furða þótt hann hafi skellt á sírenunum?

2007-02-7

Einokun

Filed under: Hneykslun — Jón Lárus @ 22:21

Og svo var það fréttin um að Frumherji væri að kaupa Aðalskoðun. Ég bara trúi því ekki að þetta verði látið ganga í gegn. Ef kaupin verða leyfð verður eitt fyrirtæki, sem sér um nánast alla skoðunarstarfsemi á landinu. Er það betri einokun en ef ríkið sæi um þetta? Held ekki.

Misrétti í flugi

Filed under: Hneykslun — Jón Lárus @ 22:17

Missti andlitið í gær þegar ég heyrði frétt þess efnis að matseðillinn hjá Flugleiðum væri stéttskiptur. Flugmennirnir fengju annan mat heldur en flugfreyjur og þjónar. Nú skilst mér að flugmennirnir fái mismunandi mat. Ég skil alveg ástæðuna fyrir því, minni hætta á matareitrun. En að setja flugmennina á einhvern svona stall finnst mér fáránlegt!

2007-02-3

Matarboð

Filed under: Matur — Jón Lárus @ 23:23

Vorum 3, ég, Hildigunnur og Freyja í matarboði í einum af matarklúbbunum okkar áðan. Þetta var mjög skemmtilegt kvöld. Maturinn góður, þarf náttúrlega ekki að spyrja að því og félagsskapurinn ekki síðri. Takk fyrir okkur.

2007-02-2

Undarleg jurt

Filed under: blóm,Myndir — Jón Lárus @ 23:26

.flickr-photo { border: solid 2px #000000; }.flickr-yourcomment { }.flickr-frame { text-align: left; padding: 3px; }.flickr-caption { font-size: 0.8em; margin-top: 0px; }


DSC00162, originally uploaded by dick_pountain.

Er bara að prófa að blogga úr Flickr. Veit annars ekki hvar í ósköpunum svona lagað vex…

Stofnaðu ókeypis vef eða blogg á WordPress.com.