Strč prst skrz krk

2007-03-7

Nóg komið

Filed under: Hjólreiðar — Jón Lárus @ 22:18

af ferðasögum í bili.

Í gær hjólaði ég í fyrsta skipti á þessu ári í vinnuna. Var kominn svolítið áleiðis þegar ég áttaði mig á því að það var smá hálka sums staðar. Var þá kominn of langt til að snúa við. Hjólaði bara mjög rólega það sem eftir var leiðarinnar. Komst án áfalla á leiðarenda.

Stefnan er svo að halda þessu áfram og reyna að gera eins og í fyrra. Hjóla í vinnuna svona 2-4 sinnum í viku.

Auglýsingar

Enn

Filed under: Viskí — Jón Lárus @ 00:03

um ferðina.

Barinn á Hótel Kea skoraði mörg stig hjá okkur um helgina. Kíktum þar inn á laugardagskvöldið og af rælni spurðum við hvort þar væri hægt að fá MacAllan viskí. Bjuggumst ekkert frekar við því. Heyrðu, þá áttu þeir til 6 eða 7 mismunandi tegundir af því! Heil hilla á barnum bara undir MacAllan. Þokkalega flott. Við fengum okkur það næstelsta sem var til eða 25 ára. Flauelsmjúkt.

Stofnaðu ókeypis vef eða blogg á WordPress.com.