Ég er enn að slappast í formúluglápinu. Nennti ekki að vakna til að horfa. Var síðan mjög feginn þegar ég horfði á endursýninguna. Eins og langoftast var Ástralíukappaksturinn óspennandi. Mér leiðast þessar brautir þar sem er ekki/mjög erfitt að taka fram úr. Nóg að hafa eina slíka; Mónakó. Annars var ég sáttur við mína menn. Annað og þriðja sæti ekki slæmur árangur, a.m.k. virðist bíllinn skárri heldur en í fyrra.
Annars var fyndið að lesa umfjöllunina í ítölsku og bresku pressunni. Ítalirnir töluðu ekki um annað en Raikkönen en Englendingarnir bara um Hamilton. Sínum augum lítur hver silfrið.
Strč prst skrz krk 
Jamm. Það var gott að báðar silfurörvarnar komust í gegnum keppnina.
Athugasemd af Þorbjörn — 2007-03-19 @ 11:00 |
Þokkalega. Var nú bara hending í fyrra ef báðir bílarnir kláruðu.
Athugasemd af Jón Lárus — 2007-03-19 @ 19:54 |
heh, já. Vonandi verður þetta betra í ár, þó ég væri nú ekki fullsátt við þennan rauða þarna fremst…
Athugasemd af hildigunnur — 2007-03-21 @ 23:44 |
Ég er nú ennþá að venjast því að sjá Räikkönen í rauðum búningi. Maður hefur nú enn taugar til hans jafnvel þótt hann sé kominn til Ferrari.
Athugasemd af Jón Lárus — 2007-03-23 @ 12:22 |