Barnapeningarnir, sem hurfu

Fékk borgaða barnapeninga núna fyrir mánaðamót. Líklega í síðasta skipti, þar sem Finnur varð 7 ára núna 30. apríl. Það var svo líklega í gær þegar ég kíkti í einkabankann að ég sá að þeim peningum hafði verið kippt út aftur. Leiðréttingarfærsla. Það var bara of seint ég var búinn að eyða þeim.

Nokkrum mínútum síðar…

Kíkti ég aftur inn í einkabankann. Kom í ljós að barnapeningarnir höfðu verið lagðir inn tvisvar. Eins gott að ég sá það ekki þá. Hefði eytt þeim líka.

Skattskýrslan

Við Hildigunnur fórum í dag og skrifuðum ekki undir skattskýrslu hjá endurskoðandanum okkar. Þetta er allt orðið svo tæknivætt að hægt er að skila rekstrarreikningnum rafrænt og maður þarf ekki einu sinni að kvitta lengur.

Það sem við höfðum borgað fyrirfram í fyrra var líka nokkurn veginn það sama og reiknaði skatturinn þannig að við þurfum ekki að borga nema smotterí í haust. Ekki alltaf sem það hefur verið þannig.