Árshátíð

okkar fótboltafélaga var haldin í gærkvöldi hérna hjá okkur. Fyrsta skipti sem við höfum haldið formlega árshátíð. Venjulega höfum við bara skotist á Vitabar eða einhverja aðra krá eftir síðasta bolta. Ákváðum að gera aðeins meira úr þessu núna. Þetta heppnaðist bara mjög vel. Gæti orðið fastur liður eftir næstu tímabil.

Grey þeir sem mættu ekki. Þeir unnu öll verðlaunin „Mesta klúðrið“, „Slakasti leikmaðurinn“, „Misheppnaðasta skotið“ o.s.frv.

Smökkuðum

alveg æðislegt rauðvín fyrir nokkrum dögum. Þetta er vín, sem heitir The stump jump og er frá áströlskum framleiðanda, sem heitir d’Arenberg.

Þetta er sami framleiðandi og gerir The footbolt en það var vínið, sem Hildigunnur fékk til smökkunar í bloggarakeðjunni, sem Arnar í Vín og mat er með. Alveg snilldarkaup fyrir 1490 kall.

Miðinn á flöskunni er dálítið sérstakur, minnir svolítið á sumar púrtvínsflöskur.