Rændi

þessu frá Kalla. Mér finnst þetta æðislegt. Útlitið á járninu reyndar hræðilegt (hefðu þurft að fá Ítala til að sjá um þá hlið) en afurðin þvílík snilld!

Úti á þekju

Ég var þokkalega úti á þekju í vinnunni áðan. Þegar var að koma að hættutíma (að ég hélt) þá fór ég að tygja mig til heimferðar. Hugsaði svo sem ekkert út í að það væri lítið fararsnið á félögum mínum. Þeir voru hvort eð er flestir að fara í einhverja óvissuferð (með kántríþema (bleah!). Ókeypis bjór er ekki nóg til að draga mig á svoleiðis nokkuð).

Allavega, ég dreif mig af stað. Hjólaði heim. Þegar þangað var komið skildi ég ekkert í því að Hildigunnur væri ekki heima. Skipti um föt, kom upp og varð litið á klukkuna. 16:11! Bíddu, bíddu, klukkan orðin snarvitlaus. Kíkti á klukkuna í eldhúsinu. Líka 16:11. Hafði hætt klukkutíma of snemma í vinnunni.

Heyrði

latneskt samheiti yfir alla þessa pínulitlu hunda, chihuahua, púðlur og hvað þeir heita nú allir saman. Canis ridiculo.

Ég var að komast að því

að ég á að kjósa í N1 sjá hér.  Spurningin er bara hvort maður geti gengið inn á hvaða bensínstöð hjá þeim sem er?