Fórum, öll fjölskyldan, í sunnudagsbíltúr í dag. Ókum sem leið lá fram hjá Kleifarvatni. Stoppuðum þar smá stund til að tína ber. Héldum síðan áfram til Selatanga. Horfðum á öldur og brim dágóða stund. Öldur eru eins og eldur. Hægt að horfa endalaust á þær.
Þegar við gátum slitið okkur frá Selatanga lá leiðin til Selfoss eftir Suðurstrandarvegi til að kaupa málningu, sem fékkst hvergi annars staðar á landinu. Og ís. Eftir ísinn var síðan ekið í bæinn. Snilldar bíltúr.
Strč prst skrz krk 
Það er svo yndislegt á Selatöngum og hæfilega fáir á ferli þar. Kannski best að vera ekkert að hafa hátt um þennan stað…sko, allir, það er ekkert varið í Selatanga.
Athugasemd af Eyja — 2007-08-17 @ 23:05 |
Sammála, flottur staður. Hildigunnur hefur talað um Selatanga árum saman en við höfum aldrei drattast þangað fyrr en núna.
Athugasemd af Jón Lárus — 2007-08-18 @ 23:44 |
Við náðum að horfa bæði á öldur og eld þarna á föstudaginn, öldur um daginn og kveiktum svo upp í útiarninum um kvöldið. Tóm snilld.
Og á Selatanga verður farið aftur fljótlega, þegar er stórstreymt. Hef alveg séð flottara brim þar, þó þetta hafi verið æði.
Athugasemd af hildigunnur — 2007-08-19 @ 01:05 |
Ókei, hvaða málningu?
Jökullakkið góða ?..og eflaust eitraða líka.
Athugasemd af Ásgerður — 2007-08-22 @ 12:38 |
Nei, nei ekki jökullakk. En samt örugglega nógu eitrað. Framleiðslu hætt á þessum tiltekna lit. Fengust nokkrir brúsar á Selfossi.
Athugasemd af Jón Lárus — 2007-08-23 @ 23:08 |
[…] eftir þá var einhver sem lenti inn á Selatangafærslunni minni. Mætti halda að á síðunni minni væri aragrúi af […]
Bakvísun af images.google.it « Strč prst skrz krk — 2007-12-13 @ 21:00 |