er búin að vera á kafi í óperuverkefni (Die Verschworenen eftir Schubert) núna í tvær vikur í tónlistarskólanum. Síðustu viku hafa verið æfingar á hverjum einasta degi á . Librettóið víst í svipuðum dúr og í Lýsiströtu. Smávegis togað og teygt víst, samt.
Núna eru búnar 2 sýningar af 4 á . Ég og Freyja förum á morgun (Hildigunnur því miður ekki nógu frísk til að koma með á morgun, nær vonandi síðustu sýningu á þriðjudag). Verður spennandi að sjá hvernig þetta kemur út.
Horfði á Kurt Wallander mynd í sjónvarpinu í gær, sem hét þetta. Ágætis tilbreyting frá öllu þessu bandaríska dóti. Var dálítið fyndið hvernig myndin var kynnt af þulunni: Nú verður sýnd mynd um Kört Wallander…
Hildigunnur er búin að vera veik núna í næstum því viku. Var með háan hita fyrst og síðan ofboðslega ljótan hósta. Hitinn hefur farið lækkandi en hóstinn hefur ekkert lagast. Hún dreif sig því til læknis núna í morgun og þá kom í ljós að hún var með lungnabólgu.
Sett á SEM mixtúru, sem er kódein kylfa og þrumusterkt Augmentín. Vonandi að hún fari nú að skríða saman.
Strč prst skrz krk 