Strč prst skrz krk

2008-01-7

Meira neysluæði

Filed under: Ýmislegt,Dægradvöl — Jón Lárus @ 00:16

Pantaði frá Amazon í gær nokkra DVD diska. Meðal annars afmælisgjöfina fyrir Hildigunni. Síðan voru nokkrir diskar, sem mig hefur lengi langað í, á þvílíkum afslætti að það var ekki hægt annað en panta þá líka. Delikatessen, Amélie og svo fékk Fífa að lauma einum diski í pöntunina.

Hlakka ekki smá til að fá þetta dót í hendurnar.

2008-01-5

Neysluæðið

Filed under: Ýmislegt,Fjölskyldan — Jón Lárus @ 20:02

Við Hildigunnur tókum þátt í neysluæðinu af fullum krafti áðan. Þetta byrjaði svosem allt mjög sakleysislega. Við ætluðum rétt að skreppa út og kaupa smá rauðvín og hveiti í pizzuna, sem við ætlum að hafa í kvöld (pizzurnar eru í ofninum núna nota bene). Fórum í Heiðrúnu og á leiðinni til baka ætluðum við að koma við í Krónunni og kaupa hveitið og eitthvað smá álegg. Prófuðum þar sjálfsafgreiðslu í fyrsta skipti eins og Hildigunnur segir frá á síðunni sinni.

Nema hvað, þegar við erum komin inn þá sjáum við að það er útsala í Húsgagnahöllinni. Við vorum einmitt mjög hrifin af einu rúmi, sem við höfðum séð þar og fannst passa mjög vel fyrir Finn í nýja herbergið. Enduðum á því að kaupa það ásamt dýnu á 40k í staðinn fyrir 57k eins og það átti að kosta upprunalega. Vorum búin að ganga frá greiðslunni og á leiðinni út þegar Hildigunni datt í hug að athuga líka um svefnsófa fyrir Freyju. Við höfðum ætlað að kaupa svefnsófa í IKEA, sem við vorum búin að sjá en ákváðum að kíkja aftur inn. Fundum þennan fína sófa fyrir Freyju og skelltum okkur á hann líka.

Núna verður ekki þverfótað fyrir svefnsófum og rúmum í svefnálmunni niðri. Eins gott að reyna að ganga frá þessu öllu saman.

Svona

Filed under: Ýmislegt — Jón Lárus @ 13:30

Töfrakaffikrús

kaffikrús væri ég til í að eiga!

2008-01-3

Örvæntingarfullar hjásvæfur

Filed under: Seríur — Jón Lárus @ 22:02

Fjórða sería að byrja. Horfi á hana með Fífu. Spurning hvort þetta fer eitthvað að þynnast út. Kemur í ljós.

Annars er þetta búið að vera/verður maraþon glápkvöld.  Tveir þættir af Grey’s anatomy og svo hjásvæfurnar og svo að síðustu Forbrydelsen. Mjög sjaldan sem svona stíft er starað á skjáinn hér á bæ.

2008-01-2

Áramótatréð.

Filed under: Hátíð,Myndir — Jón Lárus @ 18:31

Best að skella hérna inn mynd af áramótatrénu okkar, sem stelpurnar bjuggu til með pappírsbombuskothríð á gamlárskvöld.

Áramótatréð

« Undanfarandi síða

Stofnaðu ókeypis vef eða blogg á WordPress.com.