sem þetta er að verða hjá okkur. Nú er Finnur orðinn lasinn. Var með forljótan hósta í gær og var kominn með 39 stiga hita í morgun. Hann er svo slappur að hann orkar ekki einu sinni að vera í tölvunni og hefur sofið í nánast allan dag.
Ljóta ástandið.
Verðum með matarboð á morgun. Ætlum að hafa léttsaltaðan svínabóg soðinn í kóki (uppskrift frá Nigellu, alveg hrikalega góð). Fengum síðan alveg áfall í morgun þegar við áttuðum okkur á því að við höfðum gleymt að leggja steikina í saltpækil í gærkvöldi eins og við ætluðum að gera (við höfum einu sinni gert þessa uppskrift með nýju kjöti og þá er hún ekki nema svipur hjá sjón). Steikin þarf helst að liggja í saltpækli í 2-3 sólarhringa til að uppskriftin virki almennilega. Rukum þess vegna á fætur eldsnemma í morgun til að útbúa saltpækil til að leggja steikina í. Sem betur fer er steikin lítil að þessu sinni og líklega sleppur það að hún liggi ekki í pæklinum nema rúman sólarhring. Sjáum til hvort þetta verður nú ekki allt í lagi.
Getur vel verið að ég hendi inn uppskriftinni, hér eða á brallið. Vel þess virði að prófa.
Strč prst skrz krk 