Livvagterne

er ný dönsk sería sýnd á DR1. Við Hildigunnur ákváðum að prófa að fylgjast með henni, þar sem DR1 fylgdi með í pakkanum, sem við fengum í kaupbæti, þegar við skiptum öllu yfir á ljósleiðara um daginn. Serían byrjar ágætlega. Annar þáttur sýndur í gær. Líka fínt að þetta eru míníseríur. Tveir og tveir þættir saman. Þá gerir minna til ef maður missir úr þátt.

Maður er nú orðinn pínu ryðgaður í dönskunni en þetta sleppur samt til, nema með einn af þremur aðalleikurunum. Við skiljum ekki nema brot af því, sem hann segir. Hef hann grunaðan um að vera Jóta.

Gæti endað á því að maður svindlaði og notaði textann á textavarpinu.

Meira af býflugnasuði

Hvenær ætli Samskip og Eimskip keppi svo í Býflugnasuðinu?

Ný Evrópa

með augum Palins (Michael Palin’s new Europe) heita ferða/heimildamyndaþættir, sem nú eru sýndir á RÚV. Alveg stórskemmtilegir þættir þar sem Michael Palin leiðir áhorfendur um lönd og svæði í austurhluta álfunnar. Þátturinn í kvöld var sá þriðji í röðinni og við Fífa erum sem límd við skjáinn. Alveg ótrúlegustu hlutir, sem hann grefur upp í þessum þáttum sínum eins og til dæmis tyrkneska olíuglíman í síðasta þætti.

Var það ekki annars hann, sem gerði þáttaröðina um Krossferðirnar og alla þá vitleysu, sem þeim fylgdu? Í þeim þáttum voru Krossferðirnar og hugmyndafræðin að baki þeim dregin sundur og saman í háði. Tragikómískt.

Tapsár gaur

eða verður það þegar hann tapar. Horfðum á Útsvar í kvöld og þessi Vilhjálmur í Garðabæjarliðinu er um það bil sá tapsárasti sem ég hef séð (eða verður það þegar liðið dettur út). Minnir mig á Jean Todt, fyrrum liðstjóra Ferrari liðsins í jöfnu1 keppninni. Skeifan á honum skrapaði alltaf gólfið þegar gekk illa.

Núna

ætlum við að fara að horfa á Heroes. 2 þættir sem við erum ekki búin að horfa á. Það verður að minnsta kosti horft á annan og ég verð hissa ef við stöndumst freistinguna að horfa á hinn líka.

Nýja

serían með Lewis, gamla aðstoðarmanni Morse lögregluforingja fer vel af stað. Bæði handrit og leikur góður eins og við mátti búast af enskri seríu.

Komu síðan nördabrandarar eins og: „Heisenberg gæti hafa dvalið hér“ og þegar viðkomandi persóna var spurð hvort hún hefði átt við óvissulögmálið þá var svarið: „Ég er ekki viss“.

Matarboð

Vorum í matarboði í kvöld hjá vinkonu okkar. Góður matur. Grill og meððí og snilldar félagsskapur. Frábært kvöld. Er núna að fara að horfa á Lost og síðan að sofa. Enn svolítið eftir mig eftir árshátíð LHÍ.

Taggart

Taggart var góður í kvöld. Við erum svona Taggart áhugafólk og horfum alltaf þegar við getum. Í kvöld við litla hrifningu dætra okkar þar sem þær gátu ekki horft á Ripleys believe it or not þáttinn sinn. Freku foreldrar.

Lost teaser kvöldsins: …Jack and Locke are too b…

Lost teaser kvöldsins:
…Jack and Locke are too busy worrying about Locke and Jack…