Berstrípuð

Það er jólastjarnan okkar eftir yfirhalninguna, sem ég gaf henni um helgina Hún var orðin svo gisin að ég ákvað að klippa hana rækilega niður. Svona lítur hún út núna:

Gleymdi að sjálfsögðu að taka af henni myndir áður en klippurnar fóru á loft.

St. pálían

Ákvað í vor að endurnýja st. pálíuna, sem ég er með. Þetta á ekki að vera neitt mál. Bara skera hraustlegt blað af jurtinni og stinga í mold. Passa síðan að ofþorni ekki. Þá eiga að stinga upp kollinum nýir sprotar eftir fáeinar vikur. Ég gerði þetta í vor einhvern tímann.

Bjóst við að eitthvað færi að gerast í júní en óekkí. Hélt að þetta hefði bara klúðrast hjá mér þegar ekkert var farið að gerast í júlí og ágúst. Svo var það núna í byrjun september að fór að sjást í ný blöð. Nokkrar vikurnar voru semsagt 16-18!

Sýrenan

okkar lítur bara ekki sem verst út.

Ég held hún hafi ekki áður verið svona flott hjá okkur áður. Fyrst eftir að við fluttum hingað þá blómstraði hún næstum ekki neitt. Hrúgur af þrífosfati höfðu hins vegar greinilega áhrif til hins betra.

Vorverkin

Potaði niður nokkrum hvítlauksgeirum í garðinn áðan. Síðan sáðum við fyrir steinselju og erum líka komin með nokkrar aðrar kryddjurtir. Er líka að gera tilraun með að taka afleggjara af sankti pálíu. Veit nú ekkert hvernig það fer; verður bara að koma í ljós.

Farið

að klæja í garðyrkjufingurna, þannig að nú er spurning um að fara að henda niður fræjum fyrir kryddplöntum áður en það verður of seint.

Höfum verið með steinselju í garðinum undanfarin ár. Oft sem hún stendur fram að áramótum eða jafnvel lengur. Ég hef stundum klippt af steinselju í garðinum fyrir áramótaboðið, sem við höldum alltaf.

Svo vorum við að hugsa um að setja niður hvítlauk líka. Kominn tími á að fjarlægja sandkassann. Krakkarnir löngu hættir að leika sér í honum. Þar myndast smá pláss sem mætti nota undir plöntur, sem ekki þurfa mikla sól.