Rignir

i København.

Ég trúi því varla

en í ár er ég 20 ára stúdent. Gærkvöldið fór í það að hafa upp á þeim sem voru með mér í útskriftarhóp. Stefnt á einhvers konar samkomu í byrjun júní. Sjáum til hvernig það fer.

Sýrenan

Vesalings sýrenan úti í garðinum lítur orðið út eins og hún sé sandblásin. Skrambans rok og kuldi 😦

Uppgötvun

Fór í vínbúð áðan, sem í sjálfu sér er ekki í frásögur færandi, nema þar rakst ég á þetta. Keypti umsvifalaust eina flösku og þær eiga örugglega eftir að verða fleiri. La rioja alta er einn af uppáhaldsvínframleiðendunum okkar en hefur ekki fengist hér á landi nema einu sinni áður að ég best veit. Mæli sterklega með þessu fyrir þá, sem eru
hrifnir af Rioja vínum. Það er ekki ódýrt en fyllilega hverrar krónu virði.

Nú getum við loksins farið að elda

Fengum nýju gaseldavélina okkar í byrjun vikunnar. það var svo ekki fyrr en í dag að við fengum gasmann til að tengja vélina. Nú er það loksins búið. Vélin var svo vígð í kvöld með kindarísottó a la Hallveig.
Nú þarf maður ekki lengur að eiga það á hættu að glerið fyrir ofninum skoppi út á gólf eða á tærnar á manni.

Útskrift

Finnur var að útskrifast úr leikskólanum í dag. Sjá meira hér. Finnur er reyndar ekki alveg hættur enn, en útskriftin var höfð á þessum tíma vegna þess að einhverjir krakkar eru um það bil að hætta. Fengum síðan að heyra sögu af Finni og Hafsteini vini hans. Þeir voru að plotta át á köku, sem mamma hans Hafsteins ætlaði að koma með. Það var einhvern veginn á þá leið að Hafsteinn ætlaði að borða fyrst eina sneið og síðan Finnur tvær og síðan…

Ævintýraleg eldamennska

Sá frétt, í gær held ég, þar sem sagt var frá manni, sem ætlaði að elda þegar hann kom heim eftir slark. Hann greip pylsupakka eða eitthvað annað ætilegt. Grýtti honum í pott og skellti pottinum á eldavél. Ekkert verið að taka pylsurnar eða hvað þetta var úr plastinu eða setja vatn í pottinn. Svo lognaðist hann útaf. Sem betur fer uppgötvaðist þetta snemma þannig að ekki kviknaði í. Held samt að fnykurinn hljóti að hafa verið svakalegur.

Matarboð

Vorum í matarboði í kvöld hjá vinkonu okkar. Góður matur. Grill og meððí og snilldar félagsskapur. Frábært kvöld. Er núna að fara að horfa á Lost og síðan að sofa. Enn svolítið eftir mig eftir árshátíð LHÍ.

Strengir

Jú, jú nóg af þeim í Mahler 6 í kvöld.

Annars líka nóg af þeim í skrokknum á mér eftir að hafa hjólað í vinnuna núna í tvo daga 😉

Uppboð

Ég fór á uppboð á óskilamunum hjá lögreglunni í gær. Ætlaði að athuga hvort ég sæi eitthvað þokkalegt hjól. Þarna var múgur og margmenni. Kom á óvart hvað var Ég hef ekki farið áður á svona óskilamunauppboð og vissi þess vegna ekki við hverju mætti búast. Að sjálfsögðu var byrjað á því að bjóða upp alls konar handverkfæri og ýmislegt skran (það besta var hálfur sófi, sem seldist ótrúlegt en satt!). Það var því ekki fyrr en eftir einn og hálfan tíma að komið var að hjólunum. Þegar boðin höfðu verið upp 15-20 hjól þá sá ég eitt, sem mér leist vel á. Reyndar voru margir aðrir sömu skoðunar þ.a. verðið rauk upp. Hafðist samt að lokum að landa hjólinu á 24.000 kall. Nú er ég stoltur eigandi að Scott YZ3 og stefnan tekin á að fara að hjóla í vinnuna.

Blíða

Þvílíkt snilldarveður, sem var í dag. Hitinn 17-18°. Við vorum öll meira og minna úti í garði seinnipartinn (nema Hildigunnur sem var að spila með áhugamannahljómsveitinni). Við drógum meira að segja fram busllaugina og leyfðum Finni að busla. Man ekki eftir því að það hafi gerst áður í maí.

Taggart

Taggart var góður í kvöld. Við erum svona Taggart áhugafólk og horfum alltaf þegar við getum. Í kvöld við litla hrifningu dætra okkar þar sem þær gátu ekki horft á Ripleys believe it or not þáttinn sinn. Freku foreldrar.

Gumball MMM

Næ ekki alveg þessu með Gumball 3000. Ég er líklega ótrúlega gamaldags en mér finnst alveg fáránlegt að halda keppni á almennum vegum (nema að þetta væri þá haldið eins og rallkeppni þar sem viðkomandi vegarspotta væri þá lokað meðan keppnin færi fram). Halda menn virkilega að keppendur haldi sig við hámarkshraða? Efast um það.

Bensínverð

Af hverju er Essó alltaf fyrst til að hækka bensínverðið?