Slappt ástand

á heimilinu þessa dagana. Finnur var veikur fyrir helgi og svo tókum við Hildigunnur við á sunnudaginn. Erum svona aðeins að skríða saman núna. Á meðan þá er algjört lúxuslíf á Fífu. Fær bílinn í skólann og á æfingar. Er viss um að á morgun kemur: Eruð þið ekki ennþá slöpp og er nokkuð jarðarför hjá þér mamma?

Meira pestarbælið

sem þetta er að verða hjá okkur. Nú er Finnur orðinn lasinn. Var með forljótan hósta í gær og var kominn með 39 stiga hita í morgun. Hann er svo slappur að hann orkar ekki einu sinni að vera í tölvunni og hefur sofið í nánast allan dag.

Ljóta ástandið.

Heilsuleysi

á heimilinu. Hildigunnur búin að vera með vonda magapest í tvo daga. Ekki séns að hún fari að kenna á morgun og fólki svo ráðlagt að halda sig heima a.m.k. tvo daga eftir að vera orðið einkennalaust. Krossa putta að við hin fáum ekki þennan óþverra.

Lungnabólga

Hildigunnur er búin að vera veik núna í næstum því viku.  Var með háan hita fyrst og síðan ofboðslega ljótan hósta.  Hitinn hefur farið lækkandi en hóstinn hefur ekkert lagast.  Hún dreif sig því til læknis núna í morgun og þá kom í ljós að hún var með lungnabólgu.

Sett á SEM mixtúru, sem er kódein kylfa og þrumusterkt Augmentín.  Vonandi að hún fari nú að skríða saman.

Hildigunnur

er búin að næla sér í einhverja andstyggilega pest. Hún byrjaði að finna fyrir þessu þegar við vorum úti í Viðey með bekknum hans Finns í gær. Lá fyrir í allan gærdag eftir að við komum heim og er búin að liggja í allan dag. Hún mældi sig svo áðan og reyndist vera með 39,5°! Þokkalegt eða hitt þó heldur!

Fífu

er að bestna af pestinni. Hún er farin að stunda foreldraofbeldi aftur og það eru greinileg batamerki. Hóstar reyndar ennþá þvílíkt en hann er samt ekki eins ljótur núna eins og síðustu daga. Vond pest, sem hún krækti sér í.

Úrvinda

Ég var of þreyttur til að blogga í gær en tímdi samt ekki að missa af bloggdeginum. Þannig að ég tók frá smá pláss. Fékk síðan þessa ömurlegu magapest í nótt (örugglega það sama og Finnur var með í fyrradag og svo aftur í morgun). Er bara rétt að skreiðast á fætur núna 😦
Þetta þýðir líka að ég er hættur við að hlaupa í Reykjavíkurmaraþoni um næstu helgi. Ekkert gaman að hlaupa ef maður er ekki í toppformi. Grrr…
En að öðru jákvæðara. Við kláruðum undirvinnuna fyrir nýju stéttina í gær. Búin að vera svakaleg törn. 3 dagar í mokstur og svo lokasnurfus í gær. Feginn að þetta er búið í bili. Handleggirnir á mér eru líka fegnir, þvílíkar harðsperrur, sem ég er með.