Strč prst skrz krk

2009-04-13

Þvuh!

Filed under: Stjórnmál — Jón Lárus @ 23:16

Auglýsing frá sjöllunum: Sköpum 20.000 ný störf. Og þetta frá þeim sem eru nýbúnir að eyða svona 17-18.000 störfum.

Auglýsingar

2009-02-3

Varðhundarnir

Filed under: Stjórnmál — Jón Lárus @ 22:14

strax byrjaðir að gjamma. Hannes Hólmsteinn og Halldór Blöndal báðir með vælgreinar í dag. Svei því.

2009-01-13

Dapurleg könnun

Filed under: Stjórnmál — Jón Lárus @ 23:25

í Fréttablaðinu í dag. Ekki nema 29,5% landsmanna, sem hafa tekið þátt í mótmælum af einhverju tagi vegna ástandsins. Hvar í ósköpunum eru þá hin 70,5 prósentin? Sátt við frammistöðu stjórnvalda kannski? Ég skil þetta ekki.

2008-12-11

Hvað er svo málið

Filed under: Ruglið,Stjórnmál — Jón Lárus @ 12:29

með allar þessar fréttir á mbl.is þar sem Göran Persson lætur gamminn geysa um ástandið á klakanum. Þetta er þriðji dagurinn í röð þar sem hann lætur hafa eftir sér að þetta verði erfitt fyrir Íslendinga og byrðarnar eigi eftir að dreifast á alla o.s.frv. o.s.frv. Nýjasta fréttin í seríunni er hér.
Hvernig er það eru Geir og Ingibjörg og Davíð hætt að þora að segja okkur þetta í eigin persónu og láta einhvern Svía um þetta?

2008-11-21

Góð samlíking

Filed under: Ruglið,Stjórnmál — Jón Lárus @ 23:25

Man ekki hvar ég las eða heyrði þessa samlíkingu:

Ástandið núna er eins og við höfum verið farþegar í rútu með fullum bílstjóra. Rútunni var ekið hratt og endaði að lokum úti í móa. Eftir útafaksturinn kemur sjúkrabíll til að flytja þá slösuðu á spítala. Þá vill rútubílstjórinn endilega sjá um þann akstur líka.

Ég veit ekki með ykkur en ég hef ekki áhuga.

2008-11-8

Testurtun

Filed under: Stjórnmál — Jón Lárus @ 12:17

Hildigunnur er að skipuleggja mótmæli við meðferð Breta á íslensku þjóðinni. Allir að mæta niður á höfn með tepoka og sturta úr honum í sjóinn kl. 14:40 á eftir.

Síðan er hægt að fara á Austurvöll og mótmæla aumingjaskap og aðgerðaleysi íslenskra stjórnvalda.

Vi har styr på det hele

Filed under: Ruglið,Stjórnmál — Jón Lárus @ 11:36

Í gær tók nú steininn úr þegar blessaðir ráðherrarnir okkar höfðu ekki hugmynd um að Pólverjalánið væri komið til sögunnar. Örugg og traust stjórn? Einmitt.

2008-11-2

Ósamkvæmni

Filed under: Stjórnmál — Jón Lárus @ 00:16

Tvær fréttir á textavarpi.is núna, sem fjalla um mótmælin á Austurvelli í gær.  Í fyrri er talað um allt að 1000 manns. Hljóðar þannig:

Um þúsund mótmælendur á Austurvelli
Hátt í eittþúsund manns mótmæltu á
Austurvelli í dag. Þess er krafist
meðal annars að skipt verði um stjórn í
Seðlabanka Íslands; að ríkisstjórnin
fari frá og að boðað verði til
kosninga. Fólkið safnaðist saman á
Hlemmi og gekk þaðan fylktu liði niður
Laugaveg.

Á Austurvelli voru flutt ávörp, ljóð og
hvatningarorð. Flutningabílstjórar
lögðu bílum sínum fyrir framan
Alþingishúsið og flautuðu. Allt fór
friðsamlega fram.

en í þeirri síðari er talað um að þarna hafi verið 1000-1500 manns. Hljóðar svona:

Rúmlega 1000 mótmæltu á Austurvelli
Á milli 1000-1500 manns mótmæltu á
Austurvelli í dag. Mótmælendur
kröfðust meðal annars að skipt verði um
stjórn í Seðlabanka Íslands en einnig
að ríkisstjórnin víki og efnt verði til
kosninga. Fólkið safnaðist saman á
Hlemmi og gekk svo fylktu liði niður
Laugaveg. Á Austurvelli voru flutt
ávörp, ljóð og hvatningarorð.

Það var hiti í mönnum á Austurvelli í
dag. Fólk úr ýmsum áttum hefur staðið
fyrir mótmælum nú þrjár helgar í röð.
Sífellt fleiri bætast í hópinn og nú
voru hátt í þúsund manns sem mættu.

Sú frétt er síðan ósamkvæm sjálfri sér því þar er síðast talað um allt að 1000 manns.

2007-11-13

Spennandi

Filed under: Stjórnmál — Jón Lárus @ 22:50

Kosningar í Danmörku. Lítur út fyrir að sitjandi stjórn haldi ekki meirihluta án aðstoðar Ny Alliance (flokkurinn sem Khader stofnaði til höfuðs Danska þjóðarflokknum). Spurning hversu mikill áhugi er á því hjá honum. Væri nú frekar dapurt ef hann færi að hlaupa í fangið á erkióvininum.

Vonandi að Danir fái nú frí frá Anders Fogh og því sem hann stendur fyrir. Þeir eiga það svo sannarlega skilið.

2007-09-24

Venjulega

Filed under: Hneykslun,Ruglið,Stjórnmál — Jón Lárus @ 23:27

færi ég ekki utan prímtöludagsetninga (nema í stöku tilfellum þegar ég tek Fibonacchi svindl). En þessi grein hér er bara svo svakaleg að ég get ekki orða bundist.

Verst að til að lesa hana verður að kunna svolítið í ítölsku. Ef einhver veit um upprunagreinina væri urlið vel þegið.

2007-07-7

Loforðið

Filed under: Ruglið,Stjórnmál — Jón Lárus @ 23:33

Var það ekki Villi borgarstjóri, sem ætlaði aldeilis að taka til hendinni og hreinsa borgina? Ég er búinn að bíða eftir því í allt sumar að eitthvað gerðist hér á Njálsgötunni. Skrapp út í dag og tók mynd af rennusteinunum hér í nágrenninu. Þeir eru að gróa upp. Skrautleg flóra m.a. njólar, fyrir utan ruslið, sem er annar handleggur.

https://i0.wp.com/farm2.static.flickr.com/1388/749819221_39cedc91b2_b.jpg

2007-05-17

Gaurinn

Filed under: Stjórnmál — Jón Lárus @ 23:35

á götóttu sokkunum (sjá hér) loks búinn að gefast upp. Sjá hér. Þetta gat náttúrlega ekki gengið endalaust hjá honum. Allir búnir að lýsa vantrausti á hann nema BNA menn.

Jei!

Filed under: Stjórnmál — Jón Lárus @ 14:48

Var rétt í þessu að sjá að stjórnin heldur ekki áfram. Það var kominn tími á það!

2007-05-13

Og

Filed under: Stjórnmál — Jón Lárus @ 03:27

vá hvað þessar kosningar eru spennandi. Stjórnin ýmist lafir eða fellur. Vonandi nær hún ekki að lafa. Við erum límd við skjáinn þangað til þetta fer að skýrast.

2007-05-11

Ég var að komast að því

Filed under: Ýmislegt,Stjórnmál — Jón Lárus @ 00:15

að ég á að kjósa í N1 sjá hér.  Spurningin er bara hvort maður geti gengið inn á hvaða bensínstöð hjá þeim sem er?

2007-05-7

Tók

Filed under: Stjórnmál — Jón Lárus @ 23:29

prófið, sem hefur gengið eins og eldur í sinu um netheima í dag. Fékk svipaðar niðurstöður og Hildigunnur. Var samt aðeins lægri í VG og hærri í Frjálslynda flokknum. Einnig aðeins hærri í D.

Spurningin er hins vegar hvaða mál það er, sem gerir það að verkum að næstum allir fá að minnsta kosti 20% á Framsóknarflokkinn?

2007-04-17

Hvenær

Filed under: Stjórnmál — Jón Lárus @ 18:30

ætli Bandaríkjamenn sjái að sér og geri eitthvað til að takmarka hvernig vopn menn geta keypt sér á almennum markaði?

2006-12-5

Mikið

Filed under: Stjórnmál — Jón Lárus @ 22:02

varð ég glaður þegar ég frétti að dönsku fréttamennirnir, sem voru sóttir til saka fyrir að vinna gegn hagsmunum þjóðarinnar (eða einhverjar álíka gáfulegar sakir), hefðu verið sýknaðir. Það eina sem þeir gerðu var að birta frétt, sem var byggð á gögnum sem var lekið úr dönsku leyniþjónustunni, um að forsætisráðherrann lygi þegar hann sagði að vitað væri að gereyðingarvopn væru í Írak.

2006-06-13

Niðurdrepandi

Filed under: Stjórnmál — Jón Lárus @ 21:48

fréttir í útvarpinu áðan. Við Hildigunnur vorum að koma úr búð og í útvarpsfréttunum var hver fréttin annarri ömurlegri og meira niðurdrepandi. Ísraelar að sprengja fólk í tætlur á baðströnd. Bush og Írak. Sjálfstæðisflokkurinn og Framsókn að taka við borginni. Eftir þriðju eða fjórðu svona fréttina þá sagði Hildigunnur: „Maður fer bara í vont skap af því að hlusta á þetta“. Sem var nákvæmlega það sama og ég hafði verið að hugsa…

2006-04-23

Skoðanakannanir

Filed under: Stjórnmál — Jón Lárus @ 23:59

Ég las í Fréttablaðinu í morgun að skv. skoðanakönnunum núna þá munaði engu á öðrum manni VG og Frammara. Endilega kjósa VG! Við erum að tala um Árna Þór í staðinn fyrir súkkulaðibrúna gleraugnaleysingjann, sem ég man ekki hvað heitir. Er það nokkur spurning?

Stofnaðu ókeypis vef eða blogg á WordPress.com.