Þessi kría

sat á stefninu á bátnum sem sótti okkur í Grunnavík. Tyllti sér þarna á meðan seinna hollið var sótt í land á gúmmíbátnum.

Ég er ekki viss um að ég hafi áður séð kríu svona nálægt án þess að þurfa að forða mér.

Nokkrar Loppumyndir

Í gærkvöldi þegar við vorum að borða var svo heitt að við vorum öll alveg að bráðna. Opnuðum eldhúsgluggann til að kæla okkur niður. Loppa náttúrlega mætti á svæðið eins og skot og valsaði inn og út um gluggann. Þangað til að henni datt í hug að klifra upp á hann og svo í framhaldi af því upp á annan glugga á stigaganginum upp á risið. Hérna nokkrar myndir, sem Freyja tók.

Nokkrar myndir

frá Hallgrímstorgi um áramótin.

Þetta var bara nokkuð flott þarna uppfrá. Held nú samt að skothríðin hafi byrjað heldur seinna heldur en oftast áður. Dró líka fyrr úr henni. En um miðnættið þá voru ekkert færri rakettur á lofti heldur en verið hefur undanfarin ár.

W

Mig langar ekki til að sjá þá mynd. Er búinn að fylgjast með henni síðastliðin 8 ár og fannst hún hreint ekki skemmtileg.

Snæfríður?

Ekki smá flott snjókona (maður getur varla kallað hana snjókerlingu) á litla róló hérna á bak við hjá okkur, sem ég rakst á í kvöld. Hljóp inn, sótti myndavélina og smellti af nokkrum myndum.

Kæmi mér ekki á óvart þótt höfundurinn væri listakonan í bakhúsinu, sem gerði Hrímfaxa sl. vetur.

Bugatti

Veyron er bara flottasti bíll, sem til er.

Rákumst á búð úti í Berlín þar sem er hægt að kaupa þennan bíl. V16 vél, 1001 hestafl, hámarkshraði 407 km/klst. Eyðsla 40 l á hundraðið í innanbæjarakstri. Ætli verðið sé ekki komið yfir 300 milljónir eins og gengið er núna. Fyrir þá, sem hafa ekki efni á Bugatti voru líka til sölu Bentleyar í sömu búð. 20-30 milljón kr. stykkið. Ekkert ósnotrir heldur svosem.

Fornbílarall

Skaust niður að ráðhúsi í morgun þegar verið var að ræsa af stað í fornbílarallið, sem haldið er þessa vikuna. Eitthvað um 70 áhafnir, af ýmsum þjóðernum, sem taka þátt. Smellti af nokkrum myndum af herlegheitunum. Margir mjög flottir.

Þessi fannst mér flottastur, u.þ.b. 50 ára gamall Citroën DS.

Flestir virtust nú vera að þessu fyrir gamanið. Þessir voru þeir einu, sem ég sá þar sem nafn og blóðflokkur kom fram á bílnum. Virtust vera í þessu fyrir alvöru.

Og svo þrír flottir hérna. Silfurlitaði Jagúarinn ekkert smá glæsilegur.

Verst að mynd af einni áhöfninni, sem var útbúin með leðurhúfur og gamaldags hlífðargleraugu virðist hafa misheppnast.

Um daginn

þegar handboltalandsliðið okkar kom til landsins fylltist gatan okkar af fólki.

Ég hef aldrei, hvorki fyrr né síðar séð eins mikið af fólki hér á götunni eins og þegar þeir voru rétt farnir hjá. Verst að þegar ég ætlaði að smella af mynd þá var rafhlaðan í myndavélinni tóm þannig að ég þurfti að finna til nýja. Fólksfjöldinn var farinn að minnka þegar ég loksins náði að smella af mynd.

Litagleði í Lóni

Í göngutúr, sem var farinn í Hvannagil í Lóni gat að líta landslag í öllum regnbogans litum. Hildigunnur var nú búin að birta eitthvað af myndum úr göngutúrnum hér. Ég stenst samt ekki mátið að bæta nokkrum við. Þetta landslag þarna er engu líkt.

Lækur endar

Rauðleitar skriður

Gráar skriður

Svartur klettur

Lækurinn rétt áður en hann hverfur í skriðuna

Innarlega í gilinu

Hrímfaxi

eða Snæfaxi? Það er spurningin.

Ekki gott að segja en að minnsta kosti er ljóst að nágrannar okkar í bakhúsinu eru listfengir.

Áramótatréð.

Best að skella hérna inn mynd af áramótatrénu okkar, sem stelpurnar bjuggu til með pappírsbombuskothríð á gamlárskvöld.

Sicko

Sáum Sicko, nýjustu mynd Michael Moore fyrir nokkrum dögum. Ekkert smá góð mynd. Skylduáhorf, ekki spurning!

Maður fyllist óhugnaði yfir hvað heilbrigðiskerfið í BNA er hrikalega lélegt. Ekki einu sinni alltaf nóg að vera með sjúkratryggingu. Fólk getur misst trygginguna ef það er of oft veikt eða ef tryggingarfyrirtækið ákveður að sjúkdómurinn hafi verið kominn til áður en tryggingin var tekin. Og vesalings þeir, sem eru ekki tryggðir ef þeir verða veikir. Maður getur ekki nógsamlega þakkað fyrir að búa í landi þar sem heilbrigðiskerfið virkar svona að mestu leyti, þó það sé náttúrlega alltaf hægt að bæta kerfið.

Myndin

Vegna fjölda áskorana þá verð ég víst að birta mynd af egginu. 😉
Hér kemur hún:

Glanni

í leysingum.

Grisjun

Tók svo til í myndasafninu, sem ég læt renna um skjáinn. Ekki glæta að ég gæti grisjað niður fyrir 130. Ekki svo að skilja að það sé neitt stórkostlegt vandamál samt.

5695

myndir er ég búinn að skoða úr myndasafninu okkar og velja af þeim 160 til að hafa sem bakgrunn á tölvunni minni.  Á svo eftir að grisja aðeins úr þessum 160.  Þarf helst að fækka þeim um helming.  Annars er þetta allt of mikill frumskógur.

Undarleg jurt

.flickr-photo { border: solid 2px #000000; }.flickr-yourcomment { }.flickr-frame { text-align: left; padding: 3px; }.flickr-caption { font-size: 0.8em; margin-top: 0px; }

DSC00162, originally uploaded by dick_pountain.

Er bara að prófa að blogga úr Flickr. Veit annars ekki hvar í ósköpunum svona lagað vex…