Mattar perur

Hvernig ætli það sé með mattar perur? Þær virðast alveg vera hættar að fást, nema einhverjar óvenjulegar stærðir. Er búinn að vera að leita að venjulegum möttum 40W perum og þær virðist vera gersamlega hættar að fást. Alveg er ég viss um að þetta er eitthvað ESB dæmi.

Fékk

þetta sent í dag. Þokkaleg færni eða hvað?

Og hvað ætli

Auður Haralds hafi verið að gera á hjóli í gær í póstnúmeri 105?!

Er það ekki dæmigert

að eftir að Danir sneru heim eftir að hafa unnið Evrópumeistaratitilinn í handbolta á dögunum þá var tekið á móti þeim með pompi og pragt (eins og vera ber). Flugvélinni, sem flutti þá heim var m.a. fylgt eftir af orrustuflugvélum (hvers vegna í ósköpunum veit ég ekki). Þetta hefur víst ekki gerst síðan Danir urðu Evrópumeistarar í knattspyrnu ’92.

Síðan þá hefur danska kvennalandsliðið unnið Evrópumeistaratitil, heimsmeistaratitil og gull á ólympíuleikum. Fékk aldrei þessar móttökur. Hvenær ætli það verði að karla og kvennalandsliðum verði gert jafn hátt undir höfði?

Finnur átvagl

Í kvöldmatnum borðaði Finnur örugglega mest af öllum af gulrótahakkkökunni, sem var í matinn. Horfðum svo á útsvar. Komum upp og þá spurði hann hvort hann gæti fengið AB-mjólk, hann væri svangur.

Við Hildigunnur sögðum þá í kór: SVANGUR!!

Svei mér þá

ef bílastæðamálin hér í nágrenninu fara ekki bara versnandi. Er að verða æ algengara að sé röð af bílum uppi á gangstétt á kvöldin. Um síðustu helgi var langur laugardagur. Ég neyddist til að hreyfa bílinn milli 2 og 3. Þegar ég kom til baka var hvergi stæði að fá. Endaði á að leggja upp við Hallgrímskirkju. Einn sá ég sem hafði lagt á Týsgötunni bara á götunni! Þetta ástand er farið að minna á Þorláksmessu eða Menningarnótt.

Uppfærsla, framhald.

Vá! Ég skrifaði þessa færslu í lok apríl um uppfærslu á vef vínbúðanna. Ætlaði svo að skoða vefinn hjá þeim í gær. Þá kom í ljós að maður getur ekki enn séð vörulistann hjá þeim. Eftir tvo og hálfan mánuð! Hverslags framkvæmdir eru þetta?! Ég bara á ekki orð.

Sá auglýsingu

í sjónvarpinu áðan. Diskur með óskalögum sjómanna! Hvað verður það næst? Diskur með óskalögum sjúklinga kannski!?

Reyklaus dagur

á börum og veitingastöðum nálgast. Ég varð var við það núna rétt áðan þegar ég kom heim úr vinnunni. Ók Njálsgötuna, ekkert stæði. Bjarnarstíginn, ekkert stæði. Skólavörðustíg, Njálsgötu, Frakkastíg, Grettisgötu og Njálsgötu aftur, ekkert stæði. Reyndi í örvæntingu Frakkastíg, Skólavörðustíg og Kárastíg. Sama sagan. Endaði upp við Hallgrímskirkju í tæplega korters fjarlægð heim.

Sagði við Hildigunni þegar ég kom heim að það væri eitthvað að gerast í bænum. Hvergi stæði að fá í nágrenninu. Hún fattaði það: „Það hlýtur að vera síðasti reykdagurinn á pöbbunum!“

Ástandið var samt ekki eins slæmt og það er yfirleitt á menningarnótt eða á Þorláksmessu, þegar er ekki einu sinni hægt að leggja ólöglega. Það var nú ekki þannig núna.

Fyrir rúmu hálfu ári

þá bölsótaðist ég yfir þessu. Núna fyrir nokkrum dögum komst ég að því að það er ekki nóg með að þessi umferðarljós séu til óþæginda heldur eru þau líka stórhættuleg.

Ég var á leiðinni heim úr vinnunni (á leið í vesturátt eftir Sæbrautinni) og kom að fyrri ljósunum. Við Klettagarða held ég að það heiti. Það var rautt þannig að ég stoppaði og var fremstur á ljósunum. Síðan kviknar grænt á næstu ljósum, þá hélt bílstjórinn við hliðina á mér að það væri komið grænt á okkur og rauk yfir. Sem betur fer var enginn að beygja þannig að ekki varð árekstur en það hefði auðveldlega getað gerst.

Vinur minn, sem vann nokkur ár á umferðardeild Reykjavíkurborgar sagði mér síðar að það væri bannað víða erlendis að setja upp umferðarljós með svona stuttu millibili, einmitt út af hættunni á að fólk álíti að ljósið fjær eigi við það.

Uppfærsla

Ég fór inn á heimasíðu ÁTVR fyrir helgi og ætlaði að skoða vörulistann hjá þeim. Þá kom í ljós að verið er að vinna að breytingum á síðunni og gert er ráð fyrir að hún verði komin í gagnið í byrjun júní! Byrjun júní! Vörulistinn á semsagt að vera niðri í einn og hálfan mánuð.

Ég skil ekki svona framkvæmdir. Ekkert verið að reyna að halda röskun í lágmarki.

Einhverjir

„húmoristar“ höfðu greinilega tekið sig til og breytt skilti með 30 km hámarkshraða í 80 km í vesturbæ Kópavogs þar sem við áttum leið um áðan. Þeir höfðu greinilega haft svolítið fyrir þessu því breytingin leit mjög eðlilega út.

Fávitar

Við hjónin sáum eitt fáránlegt atvik á leiðinni heim af tónleikum áðan.

Við biðum á ljósunum á Hringbraut, Framnesvegi og Álagranda. Sáum þá að það var bíll með blá blikkandi ljós (kom svo í ljós að þetta var lögreglubíll) að koma á móti okkur. Þegar hann var alveg að koma að ljósunum kemur einn bíll af Álagranda og beygir inn á Hringbraut til vesturs þvert í veg fyrir lögreglubílinn þannig að hann þurfti að negla niður. Ekki nóg með það þá voru 2 gangandi vegfarendur, sem biðu eftir því að komast yfir Hringbrautina, sem héldu þá að lögreglan væri að hleypa þeim eða ég veit ekki hvað og óðu yfir þvert fyrir bíl í forgangsakstri.

Er það furða þótt hann hafi skellt á sírenunum?

Af hverju

ætli Mogginn segi alltaf frá því að Essó hafi lækkað bensínverð, þegar olíufyrirtækin lækka hjá sér? Ég minntist á þetta við Hildigunni síðast þegar bensín lækkaði. Og nú í dag lækkuðu olíufélögin verðið hjá sér. Bara minnst á Essó. Stundum kemur önnur frétt þar sem sagt er að Olís og Skeljungur hafi líka lækkað verð. Kemur varla fyrir að minnst sé á Atlantsolíu.

Bæ ðe vei, hvað ætli bensínið myndi kosta hér núna ef Atlantsolía hefði ekki komið til?

Ævintýraleg eldamennska

Sá frétt, í gær held ég, þar sem sagt var frá manni, sem ætlaði að elda þegar hann kom heim eftir slark. Hann greip pylsupakka eða eitthvað annað ætilegt. Grýtti honum í pott og skellti pottinum á eldavél. Ekkert verið að taka pylsurnar eða hvað þetta var úr plastinu eða setja vatn í pottinn. Svo lognaðist hann útaf. Sem betur fer uppgötvaðist þetta snemma þannig að ekki kviknaði í. Held samt að fnykurinn hljóti að hafa verið svakalegur.

Bensínverð

Af hverju er Essó alltaf fyrst til að hækka bensínverðið?

Var að hlusta á Spegilinn í kvöld. Þar var m.a. vi…

Var að hlusta á Spegilinn í kvöld. Þar var m.a. viðtal við Andra Snæ í sambandi við bókina, sem var að koma út eftir hann. Í því kom fram að í Bandaríkjunum er ekki greitt neitt skilagjald á flöskur og dósir. Ástæðan: Áldósaframleiðendur stunda gangapot í þeim tilgangi að koma í veg fyrir að skilagjaldi verði komið á. Ég varð alveg agndofa, þvílík sóun (reyndar trúi ég því ekki að þetta gildi fyrir öll Bandaríkin).

Ætlaði að fara með blöð og fernur í gám áðan. Gám…

Ætlaði að fara með blöð og fernur í gám áðan. Gámurinn var horfinn þannig að ég gat ekki losað mig við draslið. Það hafði samt ekki komið í veg fyrir að einhverjir á undan mér höfðu skilið eftir fullt af blaða og fernupokum þar sem gámurinn hafði verið. Hvað þarftu að vera fatlaður í hausnum til að gera eftirfarandi: Blaðagámurinn sem var hérna einu sinni er ekki lengur hérna. Ég skil draslið bara eftir hérna samt…

Las það einhvers staðar í dag – gott ef það var ek…

Las það einhvers staðar í dag – gott ef það var ekki á mublinu – að maður Nigellu Lawson (einhver drulluríkur auglýsingamógúll) þyldi ekki matreiðsluna hennar. Tekið var dæmi um einhvern rækjurétt, sem maðurinn hafði borðað fyrir kurteisissakir en lýst því síðan yfir eftir á að hann væri hræðilegur. Breti hvað? Kannski vill hann heldur hjarðsveinaböku.