Vínrapport 2014

Gleymdi þessum lista um síðustu áramót. Bæti úr því núna og kem síðan með 2015 listann eftir nokkra daga.

 

Billecart-Salmon Champagne Cuvée Nicolas-François Billecart (Frakkland, Champagne), 1998, 94

Bodegas y Viñedos Alión Ribera del Duero (Spánn, Ribera del Duero), 2003, 94

d’Arenberg Shiraz The Dead Arm (Ástralía, South Australia), 2004, 93

La Rioja Alta Rioja Gran Reserva 890 (Spánn, Rioja), 1994, 93

Bollinger Champagne La Grande Année (Frakkland, Champagne), 1996, 93

Domaine Jean Deydier et Fils Châteauneuf-du-Pape Les Clefs d’Or (Frakkland, Rhône), 1999, 93

Bodega Catena Zapata Nicolás Catena Zapata (Argentína, Mendoza), 2003, 93

Lucien Le Moine Saint-Aubin 1er Cru en Remilly (Frakkland, Bourgogne, Saint-Aubin), 2005, 93

Bodegas Alejandro Fernández La Mancha El Vinculo Paraje Le Golosa Gran Reserva (Spánn, La Mancha), 2003, 93

Bodegas AAlto Ribera del Duero P.S. (Spánn, Ribera del Duero) 2009, 93

Casa Gran del Siurana Priorat Gran Cruor (Spánn, Priorat), 2007, 93

Bodegas Alejandro Fernández Ribera del Duero Tinto Pesquera Reserva Especial (Spánn, Ribera del Duero), 2003, 93

Bodegas y Viñedos Alión Ribera del Duero (Spánn, Ribera del Duero), 2009, 93

Castello Banfi Brunello di Montalcino Riserva Poggio All’Oro (Ítalía, Toscana), 2007, 93

Montes Purple Angel (Síle, Valle Colchagua), 2011, 93

Castello Banfi Brunello di Montalcino Poggio alle Mura (Ítalía, Toscana), 2009, 93

 

Alls eru þetta 7 vín frá Spáni, 4 frá Frakklandi, 2 frá Ítalíu og 1 frá Argentínu, Ástralíu og Síle.

 

 

2239

km á hjóli úr og í vinnu á árinu. Næstmest sem ég hef náð á einu ári. Alls ekki sem verst.

Vínrapport 2013

Eins og venjulega tek ég saman bestu vínin sem ég hef smakkað á árinu. Listinn lítur þannig út að þessu sinni:

Taittinger Champagne Brut Blanc de Blancs Comtes de Champagne (Frakkland, Champagne), 2000, 94
Château Lafaurie-Peyraguey (Frakkland, Bordeaux, Sauternes), 1998, 94
Giuseppe Quintarelli Valpolicella Classico Superiore (Ítalía, Veneto, Valpolicella), 1999, 94
Château de Beaucastel Châteauneuf-du-Pape (Frakkland, Rhône, Suður Rhône), 2007, 93
Fontodi Flaccianello della Pieve Colli della Toscana Centrale IGT (Ítalía, Toscana), 2005, 92
Concha y Toro Cabernet Sauvignon Don Melchor (Private Reserve) (Síle, Maipo dalur),  2005, 92
Bollinger Champagne La Grande Année (Frakkland, Champagne), 1999, 92
Penfolds Bin 389 (Ástralía, Suður Ástralía), 2003, 92
La Spinetta (Rivetti) Barbera d’Asti Superiore (Bionzo) (Ítalía, Piedmont, Asti), 2003, 92
Jacquart Champagne Brut Rosé (Frakkland, Champagne), NV, 92
Domaine des Bosquets Gigondas (Frakkland, Rhône, Suður Rhône) , 2009, 92
Morlanda (Viticultors del Priorat) Priorat Morlanda Vi de Guarda (Spánn, Catalunya, Priorat), 2007, 92
Castillo Perelada Empordà Gran Claustro (Spánn, Catalunya, Empordà), 2006, 92
Antinori Chianti Classico Marchese Antinori Riserva (Ítalía, Toscana, Chianti) , 2004, 92
Bodegas Portia Prima Ribera del Duero (Spánn, Castilla y León, Ribera del Duero) , 2006, 92

6 frönsk vín, 4 ítölsk, 3 spænsk og svo 1 frá Ástralíu og Síle. 15 vín sem ég gaf 92 stig eða hærra, samanborið við 16 í fyrra. Ég held að af mörgum góðum vínum sé Taittinger Comtes de Champagne besta vínið sem ég smakkaði á árinu. Magnað kampavín alveg hreint.

Vínuppgjör ársins 2012

Er það ekki þannig að maður verði að gera upp árið sem er að líða? Hér er listi yfir þau vín, sem mér fannst smakkast best á árinu 2012.

Sine Qua Non Grenache Atlantis Fe2O3 (BNA, Kalifornía), 2005, 95
Bodegas y Viñedos Alión Ribera del Duero (Spánn, Castilla y León, Ribera del Duero) 2005, 94
Viñas del Vero Somontano Blecua (Spánn, Aragón, Somontano), 1998, 94
Domaine Christian Moreau Père et Fils Chablis Grand Cru Les Clos Clos des Hospices dans les Clos (Frakkland, Bourgogne, Chablis, Chablis Grand Cru), 2005, 93
d’Arenberg Shiraz The Dead Arm (Ástralía, Suður Ástralía, Fleurieu, McLaren Vale), 2004, 93
Jacquesson et Fils Champagne Extra Brut Avize Grand Cru (Frakkland, Champagne, Avize, Champagne), 1997, 93
Château Guiraud (Frakkland, Bordeaux, Sauternais, Sauternes), 2003, 93
La Spinetta (Rivetti) Barbera d’Asti Superiore (Bionzo) (Ítalía, Piedmont, Asti, Barbera d’Asti Superiore), 2003, 93
Penfolds Bin 389 (Ástralía, Suður Ástralía), 2003, 92
Kay Brothers Shiraz Hillside Amery Vineyards (Ástralía, Suður Ástralía, Fleurieu, McLaren Vale), 2002, 92
Tommasi Amarone della Valpolicella Classico (Ítalía, Veneto, Valpolicella, Amarone della Valpolicella Classico), 2004, 92
Château Monbousquet (Frakkland, Bordeaux, Libournais, St. Émilion Grand Cru), 2006, 92
Billecart-Salmon Champagne Cuvée Nicolas-François Billecart (Frakkland, Champagne), 1998, 92
G.D. Vajra Barolo Bricco delle Viole (Ítalía, Piedmont, Langhe, Barolo), 2004, 92
Bodegas Roda Rioja Roda I Reserva (Spánn, La Rioja, Rioja), 2006, 92
Bodegas Drinks and Dreams Douro D + D Douro+Duero (Portúgal, Douro), 2007, 92

5 frönsk, 3 spænsk, 3 ítölsk, 3 áströlsk 1 bandarískt og 1 portúgalskt.

Alls voru þetta 16 vín sem skoruðu 92 stig eða hærra hjá mér á árinu. Talsvert fleiri en í fyrra þegar þau voru 10. SQN vínið gæti mögulega verið besta rauðvín sem ég hef smakkað á ævinni. Magnað vín hreint!

Lögleg færsla

Spurning um að bæta úr issu og skrifa eina færslu á prímtöludegi í desember.

Náði þeim árangri að hjóla 2.000 km í og úr vinnu núna um miðjan desember. Ekki alveg það mesta sem ég hef náð en samt alveg ágætis árangur. Nákvæmlega (eða svo langt sem það nær) þá verða þetta 2112 km á árinu. Það er að segja ef ég klúðra ekki neinu fram á föstudag.

Silkitoppur

Síðasta mánuðinn eða svo hefur hópur af silkitoppum verið á sveimi um nágrennið.  Ég var búinn að sjá hóp af þeim á Bjarnarstíg.  Fyrir nokkrum dögum þá sá Fífa þessa úti í garðinum okkar og kallaði á mig. Þegar ég sá að það var silkitoppa sitjandi í runna í garðinum okkar þá kallaði ég á Freyju og fékk hana til að taka mynd af henni.

Svakalega flottur fugl. Hann var heldur ekkert feiminn. Hreyfði sig ekki þó við værum innan við tvo metra frá honum.

Góður leikur

hjá mér í matseldinni í fyrradag.  Var að elda rósmarínpasta. Þegar kom að því að sjóða pastað þá greip ég 1 kg pakka af spaghettíi og fannst það vera 500 g pakki. Skellti öllu spaghettíinu í pottinn (fannst það reyndar vera óvenju mikið) og sneri mér síðan að öðrum verkefnum. Áttaði mig ekki á mistökunum fyrr en undir lok suðunnar þegar spaghettíið var bókstaflega farið að vella upp úr pottinum. Kennir manni að vera vakandi við eldamennskuna.

Kielbasa

Er að elda núna pólskan rétt, bigos að nafni.  Þetta er pottréttur sem inniheldur meðal annars hvítkál, súrkál, svínakjöt, beikon, lauk og svo pólskar kielbasa pylsur.  Í gær þegar ég var að kaupa inn þá fór ég í Kjötpól og bað um kielbasa pylsur. Afgreiðslukonan fór að hlæja.  Ég skildi ekkert í því hvað gæti verið svona fyndið þangað til hún sagði mér að kielbasa væru pylsur á pólsku.

Þarna bættist því ein ný samsetning pylsupylsur (kielbasa pylsur) við safnið brauðbrauð (naan brauð), sósusósa (salsa sósa) og baunabaunir (haricot baunir).

JEDI message processing error

Þetta var efni tölvupósts, sem ég fékk fyrir síðustu helgi.  Mér varð ekki um sel.  Þetta hlaut að þýða að það væru meiriháttar truflanir á mættinum.  Um kvöldið kom svo líklega skýringin.  Jón Gnarr klæddur sem Jedi riddari við opnun RIFF hátíðarinnar.

Vegalengd

sem samsvarar lengd hringvegarins (1.332 km skv. Vegagerðinni) var lögð að baki í gærmorgun.  Þetta gerðist á svipuðum tíma ársins og undanfarin ár.  Til dæmis náði ég þessu 3.  sept. árið 2009 (þá var hringvegurinn hins vegar talinn 1.339 km). Helsta undantekningin var í fyrra þegar ég náði að klára þessa vegalengd í ágúst.

Grillaðar rófur

Mér datt í hug um daginn að prófa að grilla rófur.  Var ekki búinn að hrinda þessari hugmynd í framkvæmd fyrr en í kvöld.  Við skiptum einni  meðalstórri rófu í tvennt, vöfðum henni inn í álpappír og skelltum á grillið.  Byrjaði á rófubitunum 10 mínútum á undan kartöflunum og laukum.  Hefði líklega þurft 5-10 mínútur í viðbót en var samt alveg ágætt.  Prófa að lengja tímann næst.

 

5000 km

Nú er ég búinn að skrá allar hjólaferðir á JogTracker með símanum mínum í rétt tæplega ár.  Í morgun náði ég að rjúfa 5000 km múrinn á rétt innan við ári.  Sæmilega sáttur við það.  Rétt innan við helmingur (um 2300 km eru ferðir úr og í vinnu), restin er hjólað mér til skemmtunar.

Hjátrúarfull?

Það er nú tæplega hægt að halda því fram að Freyja sé það.  Tók fyrsta ökutímann sinn áðan á föstudeginum 13.  Að sjálfsögðu gekk allt vel og engin óhöpp urðu.

Bygma

Ég ætla að vona að þessi eignarhaldsbreyting (að danska keðjan Bygma sé orðinn eigandi) á Húsasmiðjunni hafi áhrif til góðs á verðlagið þar.  Smá dæmi um okrið, sem hefur viðgengist þar, kemur hér:

Ég þurfti að kaupa mér sandpappírsrenning vegna hurðaverkefnisins, sem ég hef áður bloggað um.  Kom við í Húsasmiðjunni og festi kaup á 2m löngum bút af sandpappír.  Fyrir þetta þurfti ég að borga rúmar 800 kr. (420 eða 430 kall á metrann). Ég reiddi þær af hendi en hugsaði með sjálfum mér: Var þetta ekki svolítið dýrt?

Ekkert mörgum dögum síðar var ég búinn að spæna upp öllum sandpappírnum og skaust út í Brynju á Laugaveginum.  Þar voru fáanlegir sandpappírsrenningar og kostuðu þeir á bilinu 190 til 270 kr. eftir grófleika.  Litla búðin gat semsagt boðið sandpappírinn á 140 til 260 kr. hagstæðara verði heldur en keðjan!  

Ef  þetta er ekki okur þá veit ég ekki hvað okur er.

Að borða fíl

Ég er í þannig verkefni núna.  Ég er semsagt að vinna í að hreinsa málningu af spjaldahurðunum uppi og gera klárar fyrir sprautun.  Er núna búinn að vera í u.þ.b. mánuð með fyrstu hurðina af fimm.  Það tók mig um 15 klst. að hreinsa málninguna af hurðinni. Alls gat ég talið 7 eða 8 mismunandi liti allt frá gylltu í beinhvítt.  Ég setti málninguna, sem ég skrapaði af hurðinni, í poka og vigtaði þegar ég var búinn að ná henni allri af.  Samtals voru þetta 5,3 kg af málningu á einni hurð!

Eins og sést þá sígur þetta í.

Arg hvað

það fer í taugarnar á mér þegar erlendum félagsliðum eru gefin ensk nöfn í fréttaflutningi á íslensku. Núna rétt áðan á Vísi í frétt sem má lesa hér:.

Algjör óþarfi að nota oe þar sem við eigum ö eins og Þjóðverjarnir.

Hjólauppgjör 2011

Endaði árið á að hafa hjólað samtals 41,8 vikur úr og í vinnu. Hef aldrei náð því að hjóla svo mikið áður. Alls voru þetta 2299 km. Ekki verra að enda þetta á flottri tölu líka.

Frá því að ég byrjaði aftur að hjóla árið 2006 hefur verið stöðugur stígandi í þessu brölti mínu. Hjólaði 12 vikur það ár (byrjaði reyndar ekki fyrr en í maí það ár). 2007 náði ég svo 21,2 vikum. Tók svo 29 vikur 2008 og náði 36 vikum 2009. Bætti svo enn við og hjólaði 38 vikur árið 2010.

Þrjú síðustu árin hef ég hjólað allan veturinn en fram að því gerði ég hlé að vetrarlagi. Er ekki viss um að ég nái að bæta þennan árangur. Það verður að minnsta kosti mjög erfitt.

Bloggskýrsla ársins 2011

The WordPress.com stats helper monkeys prepared a 2011 annual report for this blog.

Here’s an excerpt:

A New York City subway train holds 1,200 people. This blog was viewed about 4,100 times in 2011. If it were a NYC subway train, it would take about 3 trips to carry that many people.

Click here to see the complete report.

Topp X listinn MMXI

Þá er komið að listanum yfir 10 bestu vínin smökkuð þetta árið:

Giuseppe Quintarelli, Valpolicella Classico Superiore, Veneto Ítalía, 1999, 94
Lucien le Moine, Pernand-Vergelesses 1er Cru Sous Frétille, Bourgogne Frakkland, 2004, 94
Pio Cesare, Barolo Ornato, Piemonte Ítalía, 2004, 93
Tommasi, Amarone della Valpolicella Classico, Veneto Ítalía, 1998, 93
La Spinetta (Rivetti), Barolo Vürsù Vigneto Campè, Piemonte Ítalía, 2000, 93
Bodegas Alejandro Fernández, El Vinculo Paraje Le Golosa Gran Reserva, La Mancha Spánn, 2003, 93
Peter Lehmann, Mentor, Ástralía, 1999, 92
Château Montrose, St. Estèphe, Frakkland, 1999, 92
Château Guiraud, Sauternes, Frakkland, 2003, 92
Condado de Haza, Reserva Seleccion Roble Frances, Ribera del Duero, Spánn, 2000, 92

4 ítölsk vín, 3 frönsk, 2 spænsk og 1 ástralskt.

Þeim fer greinilega fækkandi vínunum sem ég gef 92+ stig. 2009 voru þau 12, í fyrra 11 og nú í ár 10. Annaðhvort er ég að verða kröfuharðari eða þá að ég smakka sífellt verri vín!

Klesstur bíll og nýr bíll

Svona leit bíllinn út eftir að angry birds gaurinn klessti á Hallveigu um daginn.

Ekki falleg sjón.

Við komumst síðan í tæri við annan af sömu tegund. Meira um það hjá Hildigunni . Ekki eins flottur á litinn og sá gamli en á móti kemur að mörg smáatriði, sem voru í ólagi í gamla bílnum virka í nýja bílnum.